శాంతిశ్రీ బ్లాగ్స్

సంతోషించడానికి మార్గం ఉంది
చిరునవ్వుకీ సమయమేదీ?
పగలూరాత్రీ పరిగెడుతూ
జీవించడానికీ సమయమేదీ?

అమ్మ లాలిపాట గుర్తుంది
‘అమ్మా’ అనేందుకు సమయమేదీ?
అనుబంధాలన్నీ చంపేశాం
వాటిని పూడ్చటానికి సమయమేదీ?

మొబైల్లో నెంబర్లున్నాయి
స్నేహానికీ సమయమేదీ?
బయటవాళ్ల గురించే మాట్లాడతాం
మనవాళ్లతో గడపడానికి సమయం లేనప్పుడు

కళ్ళల్లో నిద్ర ముంచుకొస్తోంది
నిద్రపోవడానికి సమయమేదీ?
బాధలతో హృదయం నిండిపోయింది
ఏడ్వడానికి సమయమేదీ?

డబ్బుల్ని పోగేసుకొంటున్నాం
అలసట తీర్చుకోడానికి సమయమేదీ?
ఇతరుల అనుభూతులు మనకెందుకు
మన కలలకు సమయం లేనప్పుడు

ఓ జీవితమా నీవే చెప్పు
ఈ జీవితం ఏమైపోతుందో?
ప్రతి క్షణం చనిపోయేవారికి
జీవించడానికి సమయమేదీ?

- శాంతిశ్రీ